Tata Ibadah Hari Doa Sedunia (HDS)

Sehubungan dengan adanya pelaksanaan Ibadah Hari Doa Sedunia (HDS) di BNKP Padang, kami menyediakan 2 versi Tata Ibadah yang dapat digunakan:

1. Bagi yang menggunakan Tata Ibadah Hari Doa Sedunia (HDS), silakan pilih tombol TATA IBADAH HARI DOA SEDUNIA (HDS).
2. Bagi yang menggunakan Tata Ibadah biasa, silakan pilih tombol TATA IBADAH BAHASA NIAS.

Minggu, 29 Maret 2026 [Hari Doa Sedunia/HDS] [Tedõni dorosi, möi ndra sohalöwö bakha ba gosali (Solohe Röfa, Solohe Buku Niamoni’ö, Solohe Lili, Sangai Huhuo Sebua, Sangai Agendre ba Sangowuloi Ame'ela)]. Sondrönia'ö : Ama, Ina ba talifusö, da tahonogö dödöda ba malua halöwö fazumangeta si fao fangandrö ni’endrongagö ba si sagörö ulidanö. Möi bakha ba gosali ndra solahöwö Muzizio Zato. Manunö ita moroi ba BZ. No 189 Mitabu fefu, ta’ondrasi, Keriso Yesu Sangöhöli, Tabè dödöda Ibohouni, na horö oi taröi. Reff : Ohahau dödöda khö-Nia, .... Mitabu fefu da ta’o’ö, Keriso Yesu Sangefa’ö. Sahakhö tödö Yesu andrö, tabu böi taradö. Reff : Ohahau dödöda khö-Nia, .... Mitabu fefu, böi taböhöi, Keriso Yesu, Solomasi. Ya’ia razo ba wa’auri, Ono Lowalangi. Reff : Ohahau dödöda khö-Nia, .... Fehede Famaehagö moroi khö Ketua Komisi Perempuan FANGOWAI BA FOGAONI Liturgos : Moroi ba ngasi ndra alawe soi Nigeria sifao Komite Wangandrö ni’endrongagö ba zi sagörörö ulidanö. Owulo ita ba wa hasamabua ba wa masao fasumangeta, fangandrö ba fanuno Lowalangi. Ba wamalua fasumangeta andre, tekaoni ita ba wangonorogö tödö noro dödö nawöda ba ba wanema fa’abölö nibohouni moroi ba wahasambua ba wa’omasi Yesu Keriso. Andrö ma’owai ami fefu: Ya’ahowu! Jemaat : Ya'ahowu! Liturgos : Ya faofao khömi Lowalangi! Jemaat : Ya fao khöu Geheha-Nia! FOGAONI Liturgos : Sifao soi moroi ba Nigeria, da ta’owuawua’ö dödöda wangondrasi Yehowa, da ta’omusoi’ö dödöda ba wamalua fasumangeta khö Lowalangida. Tasuno Ia, manunö ita moroi ba Mbuku Zinunö No. 14 He So’aya, sebua tödö Ndra’ugö khöma, ma’andrö saohagölö ia khö-U. Masuno Ndra’ugö, masuno Ndra’ugö. Ha Ya’ugö, zangomasi’ö, ya’aga fefu, ba sangatulö niha khö Nama. Sangatulö niha, sangatulö niha. He tödögu, böi olifu’ö, zi sökhi fefu, si no Ibe’e Yesu So’aya. Fa’omasi-Nia, fa’omasi-Nia. Lö tesöndra, ba gulidanö, si mane Yesu, solohe fefu niha khö Nama Ba lakhömi-Nia, ba zorugo yawa. FANGA’ARO’Õ WA’OWULO (VOTUM) Liturgos : Da tahonogõ dõdõda ba wariawõsa, ba ba wa ha sambua khõ Lowalangi, muzizio zato! Fa’owuloda ma’ökhö ba wamalua fasumangeta khö Lowalangi, ba ba wamalua fangandrö ni endrongagö ba zi sagörö ulidanö, tefalua ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si yawa awö danö! Jemaat : Yaduhu! Liturgos : Otahögö ndra’o ba ebua’ö dödö-U khögu! noa sa aomö'aomö ndra’o ba sinumana! HALELUYA!!! Liturgos : Mangandrö ita, "He Yehowa Lowalangi, Ama sahakhö tödö ba sebua fa’omasi. Ya’ugö andrö si no Alafa ba Omega, Böröta ba Amozua. Möiga khö-U ba wangalulu ba wolohe fasumangeta ba wanuno töi-Mö Ni’amoni’ö. No ötaögö fefu wamakao börö ndra’aga ba faduhu dödöma wa lö tebulö ndra’u-Gö khöma ba ngawalö zi falukha ndra’aga bongi ma’ökhö. Khö-U auriga, khö-U maliwaliwaga ba khö-U so ndra’aga. Yaduhu!" Mudadao Zato Liturgos : Manunõ ita moroi ba Mbuku Zinunõ No. 216 U’andrö khö-U, So’aya, bohouni dödögu. Do-Mö si no aduwa, fanasa horögu. Fa lö sa’ae u’o’ö, zomasi dödögu. Simöi börö wangala, götö wekoligu. He Yesu, böi famalö, sekhegö dödögu. Be’e khögu Geheha, haga ba lalagu. Aro’ö wamatigu, ba waböbösa khö-U. Fa lö sa’ae faröido, wolo’ö niwa’ö-U. FOMBASO TAROMALI LOWALANGI (AMABU'ULA LI SIFÕFÕNA) Liturgos : Da tafondrondrongo daroma Li Lowalangi, tehalõ moroi ba zura Sinunö 31 : 9-16 9 Lõ nilulumõ ya’o ba wa’abõlõ zi fatiu tõdõ khõgu, no õfonaha gahegu ba zebolo tanõ. 10 Hakhõsi tõdõ ndra’o, ya’ugõ Yehowa, sata’u tõdõ sa ndra’odo! Aokõ hõrõgu ba wa’abu dõdõ andrõ, ariri nosogu ba õsigu. 11 Sagõtõ ya’o sa’ae, ba fa’alangu dõdõ, ha me uga fakhe ndra’o, ba fangarõngarõ manõ. Taya wa’abõlõgu, bõrõ horõgu, ba no alõ dõlaga, bõrõ zamakao ya’o andrõ fefu. 12 No tobali ni’o’aya sibai ndra’odo ba nawõgu ba fameta’u ba zi fa’ila li khõgu; si falukha khõgu baewali, ba moloi. 13 No olifu niha bõ’õ ndra’odo, no taya ndra’o ba dõdõra; no tobali hulõ mbowoa saboto ndra’odo. 14 Noa sa urongo wanandrawaisi zato: ”Ameta’uõ, fasui!” Mamagõlõ ira ba khõgu andre, wangalui famunu ya’odo. 15 Ba ya’odo, ba sanõtõna khõu, ya’ugõ Yehowa; no umane: ”Lowalangigu ndra’ugõ!” 16 Ba dangau so lalagu andrõ. Efa’õ ndra’o ba danga zi fa’udu khõgu ba ba zolohi ya’odo! Si manõ daroma Li Lowalangi, da tatema’õ faoma sinunõ moroi ba Mbuku Zinunõ Numero 20 MISUNOSUNO ZO'AYA NGARÖ DÖDÖ NGASI NDRA’ALAWE MOROI BA NIGERIA BA FANGANDRÖ Liturgos : Ya’ami ira talifusö ni’omasi’ö ba khö Zo’aya ya’ita Yesu Keriso. No tarango wa Yesu Keriso ikaoni ita ba wolohe khö-Nia fefu noro dödö sifalukha, ba khö-Nia göi tasöndra wolombase dödö. Andrö da tafaogö dödöda ba wamondrongo ngarö dödö ndra talifusöda moroi ba Nigeria. Ngarö dödö ndra talifusö si-datölu niha andre no khilikhili ngarö dödö nirasoi niha ba zi sagörö ulidanö. Salua ni’ombakha’ö ndra talifusö andre, tenga ena’ö awuwu ba wanötöna ba watolosa si otarai Lowalangi, hiza’i ba wangoroma’ö halöwö Lowalangi ba wame’e fondrara dödö ba gotalua gakaola sifalukha. Fa’abölö Geheha Ni’amoni’ö zangosambua ya’ita ba wamasao angandröwa dödöda sifao samati ba zi sagörö ulidanö serege tödö ba ngawalö noro samasui fa’auri. Samati andrö no sambua boto ba khö Keriso. Na so ndrotondroto sorasoi fa’afökhö, ba fefu ndrotondroto tanö bö’ö larasoi wa’afökhö. Si manö göi na so ndrotondroto sorasoi fatolosa soroi khö Yesu Keriso, ba fefu ita oi falukha wa’omosu dödö. Ikaoni ita Lowalangi ena’ö falukha wolombase dödö no Lowalangi sifagölö sangoguna’ö hikaya (kisah) salua nirasoi ndra talifusöda ba Nigeria. Ya’ia sino umbu howuhowu, zango’ou ya’ita ba wamalua fangandrö ba sangozambua’ö ya’ita ba zisagörö ulidanö ba wa’omasi ba fanötöna. Famakao Soya Ngawalö börö huku silö’atulö (beban penindasan sistemik). Beatrice : Töigu Beatrice. Ya’odo andre lakha mbanua me 28 fakhe ndra’o. Fo’omogu mate börö watötöisa (bentrok) sabölöbölö ba gotaluo nono wabanuasa si fabö’ö. Fa’amate wo’omogu, tenga ha fabalisa ba ngambatö ni’omasi’ö, ataya göi nahiagu ba gotalua wabanuasa. Hatö ya’o ba iraonogu si datölu sigide’ide so rasoi fa’afökhö ba fa’oriri. Sifasui ya’o, a’oi laduhö höröra ba wa’oriri nitaögögu. Amagu/inagu matuagu (mertua) nidönadönagu sanolo ya’o me no ahatö ira ba ngaigu, tenga latolo, hiza’i alua khörö wanahö tödö (kecurigaan), harato sima’ifu niröi wo’omogu lafadöni ba lö labe’e khögu. Fa’afökhö ba fa’oriri nitaögögu si no lakha mbanua ba Nigeria no fondrege wa’afökhö sibai. Itaria mua’ao ba me’e ndra’o ba zi ha ya’o. Lö lala wangalui, itaria mörö manö ndra’aga ba lö si manga ba zima’ökhö da’ö. Baero wa’abu dödö ba mböli mbalazo sero ma’ökhö ba abu göi dödö ba zoguna ba ndraono sekola. Hiza, ba gotalua wa’abu dödö ba fa’ogömi sabölö nirasoigu andre, falukhado wa’omuso dödö ba fondra dödö ba gangowuloa lakha mbanua nifasindro gosali. Itörö tödögu ba ginötö da’ö lakaoni 50 lakha mbanua, hiza si tohare törö 100 niha. Ba da’ö aboto ba dödögu, wa tenga ha ya’o zorasoi fa’afökhö simane. Ba wa owuloma lakha mbanua faoma ma tundreheni nawöma ba wangandrö. Me faduhu dödöma me iwa’ö Yesu: “mi’aine khögu dozi serege tödö awö zonoro ba ufolombase ami”. He Yehowa Lowalangi safönu fa’omasi, aboto ba dödöma wa lö sitobini ba duduma hörö-U ndra’aga. Ö’ila nirasoi ndratalifusöma ira alawe, lakha mbanua, ba niha sinumana. Erege dödöra ba wohalöwö ba pabrik, ba perkebunan, mohalöwö ba nomo (pembantu rumah tangga) ba so göi zi lö halöwö. He Yehowa safönu fa’omasi hakhösi tödöu ndra’aga fefu. Saohagölö Yehowa Lowalangima, me no öbe’e wa’abölö ba falö faröi ba ndra talifusöma sifalukha fa’akao ba fa’oriri. Amualaigö na khöra wa’atuatua, fa’abölö ba fa lö faröi ba wanaögö ngawalö zafökhö sifalukha ba we’aso ba gulidanö. O’ou göi dödöma fefu bawanga’azökhi ölia ulidanö andre irege maulu ba gohitö dödö-U. So’aya ya’aga Yesu Keriso safönu fa’omasi, no Ökaoni zerege tödö awö zonoro ba öfolomase ira. Ma’andrö göi khö-U falua wa’omasi- Mö andrö ba niha si numana, si tosasa tödö ba sangaröngarö börö huku si lö atulö. Be’e göi khöma wa’abölö ena’ö lö faröi ndra’aga ba wamati. Be’e wa’atulö ba dödö zamatörö ena’ö alua wamatörö satulö ba si sökhi. He Lowalangima, fondrondrongo we’ao ba ngaröngarö dödöma. Be’e wa’abölö ba niha sitosasa ba sangaröngarö. Be’e wamatörö si sökhi ba zondrönia’ö ba oguna’ö wa’aurima ena’ö tobali howuhowu ba nawöma niha. Fönui ndra’aga Eheha-Mö Ni’amoni’ö ba fatörö ndra’aga ba wa’omasi-Mö... Yaduhu! Liturgos : Manunõ ita moroi ba Mbuku Zinunõ No. 81 : 1 Fangaröngarö nifobörö wolohi börö wa’afabö’ö Lala Wamati (penganiayaan karena agama). Jato : Töigu Jato, samösa ndra alawe samati ba khö Yesu si toröi ba Nigeria mafi tanö Yöu. Ya’odo andre ina khö nonogu alewe sotöi Amina (14 fakhe). Ero ma’ökhö Amina ufasao ba zekola, ba ero ma’ökhö göi alua wa’ata’u na itörö tödögu zalua khö Leah Sharibu ono alawe sifagölö döfi khö nonogu Amina. Leah Sharibu latagö (diculik) ia ba zekolania ba mbanua Dapchi nifalua Boko Haram (kelompok teroris) lö aröu sibai ba zitoröi ya’aga. Leah Sharibu ono alawe samati ba khö Yesu Keriso, he wa’ae lafaso ia ba wondröi Yesu ba lö tebulö ia khö Yesu Keriso. I’otarai latagö ia ba zekola nifalua Boko Haram irugi iada’e (8 fakhe fa’ara) ba lö tatu hawisa wa’auri ndraono andrö. Ero ufaigi Amina na ufasao ia ba zekola ba itörö tödögu zalua khö Leah Sharibu. Alai na alua göi khö nonogu zimanö. Ata’u ndra’o. Itaria usofu hana wa alua zimanö? Ha börö me fabö’ö lala wamati ba lafakao sibai zamati khö Yesu? Abua sibai nifotöi samati khö Yesu. So ba mbanua bö’ö labunu ira ha börö me faduhu dödöra khö Yesu. Börö wa’omasi Yesu Keriso Ba mbanuama ba Yoruba irugi iada’a, niha Keriso ba Dawa (muslim) tola fangai ira simane sifatalifusö. Mangandrö ngandrö ndra’o, ena’ö lö tebulö zimanö ba ginötö miföna. Itaria usofu’sofu ba wa’aurigu hewisa ndra’o ba wango’aurifagö famahaö Yesu Keriso andrö na falukha wamakao ni’a’asogö niha sifabö’ö famati khögu? No ifahaö ita Yesu ena’ö ta’omasi’ö nududa ba ta’ohe ira ba wangandrö. Lö aoha da’ö abua sibai. Ba ginötö si lalö lö ara sibai, ba marongo zui latagö ba lafakao zamati ba mbanua bö’ö, la ailasi ndra alawe (mempermalukan perempuan - diperkosa) ba labunu zi lö omasi mondröi Yesu Keriso. Itaria alua wönu ba dödögu – tola göi ulau zimanö. Ba hiza itörö tödögu wa samati ba khö Yesu – eluaha nia mango’aurifagö Yesu Keriso ba lala wa’auri bongi ma’ökhö. Salua andre, tenga ha iada’a. Ba ginötö Yesu Keriso ba no alua wa lö fanema’ö. Hiza’i i’oroma’ö khöda Yesu hewisa ba zimanö – ya’ia na mu’omasi’ö ira. Ikaoni ita ba wamalua fa’omasi ba niha si lö mangomasi’ö fa’auri (orang yang tidak menghargai hidup). Duhu, abua wö zimane, hulö sibai zolu’i röfa ita. Ba no göi ifabu’u khöda Yesu wa röfa andrö aoha na tahare’ö khö-Nia. Hewisa ena’ö aoho noro andrö? Ha ba wa’omasi Lowalangi. Tekaoni ita ba wangomasi’ö awöda niha – udu sama’ala sedöna mamakiko ya’ita. Fa’omasi Lowalangi zangabölö’ö ya’ita ba sondrara tödöda ba wangonoro noro andre. Fatua lö mofanö Amina ba zekola ba fao ndra’aga ba wangandrö, ba matörö tödöma niwa’ö Yesu: ba gulidanö so wa’afökhö khömi, ba böi mibusi dödömi. Sangabölö ya’ita ba gulidanö andre tenga börö me lö fa’afökhö ba famakao, hiza’i börö wanötönada wa lö faröi khöda Zo’aya ya’ita Yesu Keriso. Salua khö Leah Sharibu dumaduma ba wa’aro dödö ba wamati, he wa’ae tefakao ba lö tebulö ba khö Yesu Keriso. Ba mbanua Damaturu so sambua gangowuloa zamati side’ide sibai samalua fangandrö ero na’inötö ena’ö tola mangawuli Leah sharibu. Fanötönara ba fa’aro dödöra ba wamati da’ö göi zamehia tödögu ena’ö so wanötöna, lö tebulö ba wamalua fa’omasi ba fariawö ba niha sifabö’ö famati khögu. Ero na mofanö Amina ba zekola ba mangandrö ndra’o ena’ö irorogö ia Lowalangi, lö tebulö ia ba wamati khö Yesu Keriso ba fangandrögu ena’ö Amina so khönia wa aboto ba dödö wa niha bö’ö (orang lain) no göi khili’khili Lowalangi ira. Ba da’ö göi tasöndra wa ahono dödö khö Lowalangi na tola tatema’ö niha bö’ö sifao fa’omasi (bukan dengan kebencian). Na tatehegö wa’omasi Yesu Keriso zamönui fa’aurida, noro andrö aoha ba tasöndra wolomabase dödö. He Lowalangima, sanolo niha nifakao ba sondorogö samati khö-U. Möiga khö-U ba wangalulu ba wolohe ngarö dödö mbanua-U ni’o’aya ba nifakao börö döi-Mö andrö. Talifusöma Leah si lö ma’ila hewisa zikhala wa’aurinia irugi iada’a, ba satua ndraono sada’u’da’u dödö ero lafasao ndraonora ba zekola börö wamakao ni’a’asogö niha si lö mangomasi’ö awönia. So’aya ya’aga Yesu Keriso, abölö’ö ba rara dödö Leah Sharibu ba fefu mbanua tanö bö’ö nigohi’gohi börö döi-Mö andrö. Be’e khöra wa’aro dödö ba fahao göi ndra’aga ena’ö lö faröi ndra’aga börö wanandraigö ba folohi samasui fa’aurima. Eheha Ni’amoni’ö, rorogö zoloi börö wolohi andrö, bönökhi zoguna khöra ba kubaloi wa’aurira ba wanötöna sibohou andrö börö döi-Mö Ni’amoni’ö. Lowalangi satulö, börö ngawalö wa lö fa’omasi ba nawö, alua wa lö fanema’ö (intoleransi) irege tefabali niha ba nawönia niha lö fa’atulö ba zamatörö ba ebua dödö zambuana. Ma’andrö khö-U efa’ö mböbö andrö samabali tödö niha irege alua wa lö fa’omasi. Fatumbu’ö haga wa’omasi ba dödö niha, irege tola ma tema’ö nawöma gofu hania ia. Mu’aoga khö-U ba wanenawa fa’abölö niha si lö mangomasi’ö awönia ha börö me fabö’ö lala wamati. Rara dödö ndra talifusö si so ba nahia wa’ata’u simane talifusöma Jato ba gofu haniha manö ira zi so ba nahia gamate’uö. Oroma’ö haga wa’aomasi ba niha si lö mangomasi’ö ya’aga banua-U, o’ozui khöma wa’atulö ba fa’ohahau dödö ba gulidanö andre. So’aya ya’aga Yesu Keriso, abölö’ö ndra’aga ba wolu’i röfa sifao fa’omasi ba fangefa’ö (di dalam kasih dan pengampunan). Abölö’ö ndra’aga ba wanimbagö fa’abölö zi lösökhi, tolo ndra’aga ena’ö lö masulöni zi lö sökhi awönia si lö sökhi ba yatobali howuhowu ndra’aga ba zi fa’udu khöma. Bohouni dödö ba era’erama ba wamalua fa’omasi ba ba wolohe fa’ohahau ba gulidanö andre... Yaduhu! Jemaat : Manunõ moroi ba Mbuku Zinunõ No. 81 : 2 Bongi ma’ökhö fao khögu Yesu, Ibe’e khögu howuhowu. Ihetado ba getuna horö Ifoloi ngawalö nudugu. Ha Ya’ia Razo samatörö, Razo sirugi zi lö aetu. Famakao ba fa’omuso dödö, möi fondrara dödögu. Noro dödö börö wa’anumana ba fa’aetu wanötöna (Beban kemiskinan dan keputusasaan). Blessing : Töigu Blessing, i’otarai iraono ndra’o ba no toröi ndra’o ba Lagos. No hauga fakhe u’ila hörögu hadia zalua ba Nigeria. Fa’atedou ba wa’asökhi nidönadönama ba hiza, salua fa’awuwu ba itugu alömö ba wa’anumana ba fa’aetu wanötöna. Ero ma’ökhö, sifalukha ba nirasoi fa’atosasa ba fa’ambö’ambö zoguna. Samatörö abölö aolo ira ba wo’angeraigö fa’aurira moroi ba nono wabanuasa. Gazi ero waŵa nitema zohalöwö, böhöi tobönö soguna ‘ö zisambua omo, ambö soguna ba zi samösa niha. Ba zitambai da’ö ba ma’ila göi so niha itugu monönö wa’a kayo. Ba sabölö ato toröi ba nahia wa’anumana ba fa’atosasa. Sambua karu böra no tobali harato sebua ba duduma hörö niha sato. Iraono sibohou ebua, tenga lö fa’atuatua, hiza’i lö tesöndra nahia wohalöwö. So zaetu fanötöna, ato zohulö tanga Lowalangi (bunuh diri), so göi zaekhu ba wamalua si lö atulö (kriminalitas, perampokan dan prostitusi). Fa’anumana no tobali fökhö wangerangera (kesehatan mental), irege lö alio aefa ndra’aga ba gu’ö fa’anumana. Fa’anumana zalua khöma ya’ia walö sondrönia’ö satulö sitola mangeheta ya’aga ba wa’anumana, baero da’ö no göi sa’ae i’u’uni ndra’aga wa lö fanötöna (mental miskin). Ba gotalua wa’abu dödö andre, oroma khögu haga wanötöna sibohou na’itörö tödögu zifalazi omo khögu sotöi Grace. Ya’ira andre (Grace ba fo’omonia) no laheta ira ba naha halöwöra. Tola manö simane ya’odo andre ira (saetu fanötöna), hiza’i lö alömö ira ba wangaröngarö ba fa lö fanötöna. Lafazawa ira samösa, la’alui lala wa’auri ya’ia labörögö wamaŵa sabu nihaogöra samösa. Moroi ba da’ö tola so zoguna (balazo) ba lafatenge ndraonora ba zekola. Itaria iwa’ö khögu Grace: “Blessing, fa’auri andre tenga ha mutema’ö manö zalua, hiza’i tafazawa ita moroi ba wangaröngarö andrö sifao famati ba fanötöna”. Itörö göi tödögu daroma li Lowalangi me imane: “isöbi yawa moroi ba gawugawu tou zi no amomo, ba moroi ba dambu i’ohe yawa zinumana. Börö da’ö, mafazawa ndra’aga, ma’ofanöi wa’aurima sifao famati wa so ginötönia dania te’asiwai fefu noro dödö andre. Faduhu dödöma, wa ibokai lala Lowalangi, andrö wa lö tebulö mohalöwö ndra’aga ndrege wa’abölö nibe’e Lowalangi khöma. Duhu abua noroma andre, ba börö wamati khö Zo’aya ya’ita Yesu Keriso wa tola mataögö ba tefazawa lala wa’auri moroi ba wa’anumana andre. Mangandrö ndra’aga ba milului khöma wangandrö ena’ö Nigeria aheta moroi ba nahia fa’anumana. He Yehowa Lowalangi Ni’amoni’ö, sokhö fa’auri ba sondorogö fefu niwöwöi-Mö, ma’andrö saohagölö ba masuno ndra’u-Gö börö wa’omasi-U ba niha si numana si lö mo’aetufa ba wanötöna, he wa’ae ba nahia wa’atosasa so ira ba lö tebulö örorogö ba ötolo mbanua-U. Tolo ba rara dödö zi so ba nahia wangarö ngarö börö noro sabua, ena’ö latema wolombase dödö moroi khö Zo’aya ya’aga Yesu Keriso. He So’aya, no anehe ndra’u-Gö wa’anumana nirasoi niha ba zi sagörö ulidanö andre. Ato ndraono ba gulidanö andre simörö ba gotalua wa’olofo, so wongambatö saetu fanötöna börö walö soguna. Itörö tödöma ndra’u-Gö wa Ya’ugö andrö Yehowa Yire, sanga’asogö ngawalö zoguna, khö-U manötönaga ba khö-U göi mu’aoga. Tolo bönökhi zoguna ba mbanua-U. Bokai gumbu howuhowu ba ombuyu’ö dödö niha ena’ö la’oro’ö dangara ba wa mo lala tödö ndra talifusö sambö soguna. Ma’ohe khö-U ba wangandrö ndra talifusö saetu fanötöna si no iböbö fa’abölö wa’anumana, fa’atosasa ba abula dödö sero ma’ökhö. Rara dödö ndra talifusö si no aetu fanötöna irege lö la hulö danga Lowalangi ba wa’aurira, tuturu khöra lala ba ombakha’ö khöra wa fa’aurira no ebua sibai ba duduma hörö-U safönu fa’omasi andrö. Ma’ohe göi ba wangandrö wamakao/fökhö malaria sanöröi ulidanö, fökhö HIV, AIDS si lö manö musöndra daludalu irugi da’e. Abölö’ö ba fofa’atuatua zohalöwö ba kesehatan ena’ö tola musöndra daludalu sifaudu ba wökhö sanöröi ulidanö. Lö mendrua manö ena’ö tola ma’oigö dödöma ba wondrorogö ba ba wangehao ölia ulidanö andre, ena’ö lö monahia wökhö. Mangandröga göi salahi ndra satua si no alawa döfi ba si lö sondrorogö. Ya’ira si tebai mama’anö fa’auri ba ginötö wa’atua börö wa’ambö’ambö soguna. Rorogö ira So’aya ba hakhösi tödö wa’aurira ena’ö lö laröi ndra’ugö ba zi sandrohu fa’aurira. Mangandröga göi salahi wongambatö, angowuloa zamati sorasoi fa’atosasa böi lulu ira ba wa’abu dödö, tolo ira ba amualaigö Gehehau Ni’amoni’ö sanolo ba sondorogö ya’ira. Oguna’ö ndra’aga fefu ena’ö tola tobali howuhowu ba khöra, me no ö’oroi’ö khöma, ena’ö faoma ma’onoro noro dödö nawöma. Tolo ndra’aga ba wa’ahakhö dödö-U andrö. So’aya ya’aga Yesu Keriso, no ökaoni ndra’aga, mi’aine khö-Gu dozi serege tödö awö zonoro ufolombase ami. Ya’e ndra’aga hakhösi tödö-U, be’e aoha noro mbanua-U ba ena’ö ha khö-U manö manötönaga. Eheha Ni’amoni’ö, rara dödöma ba ngawalö gabula dödö. Na itaria lö ma’ila hezo matörö, o’ohe dangama ba fatörö wa’aurima. Be’e khöma wamati ena’ö tola ma’ofanöi wa’aurima andre he wa’ae itaria tebai na dali wa’aniha. Tolo ndra’aga ena’ö tola tobali haga ba niha bö’ö, ba wolohe fanötöna ba ba wangoro’ö tanga ba wanoloni awöma si so banahia wa’atosasa ba fa’anumana. Faduhu dödöma ba wa’omasi-Mö si lö mamalö wa lö öröi ndra’aga irugi zi lö’aetu... Yaduhu! Liturgos : Manunõ moroi ba Mbuku Zinunõ No. 81 : 2 Ba lala wekoligu miföna, tötönafögu ha So’aya. Samönökhi ngawalö zoguna, sondrorogö fa böi te’ala. Fa’aurigu ululu khö-Nia, me kubalo si sökhi Ia. Khö-Nia zumange ba lakhömi nisuno Haleluya. FANGANDRÕ FANGEFA HORÕ Liturgos : Ya’ami ira talifusõ, Na taŵa’õ lõ horõda, ba talimo ita, ba si duhu lõ’õ ba dõdõda. Na ta’ombakha’õ horõda, ba lõ farõi Ia, ba no satulõ Ia, fa I’efa’õ khõda horõ andrõ, Ihaogõ ita, awõ wa Iheta fefu zi lõ atulõ. Andrõ da mõi ita fõna Lowalangi si fao fangidengide’õ ba wangombakha horõda, muzizio zato. Mangandrõ ita, "Masuno ba ma angaröfili ndra’ugö Yehowa, Ama khöma si so ba zorugo, ba khö Yesu Keriso sangorifi. Ma’ondrasi ndra’ugö ba nahia ni’amoni’ö, Ya’ugö si fahöna fa’ahakhö dödö andrö. Ma faduhu’ö wa tenga si nangea ndra’aga tanö föna-Mö, me no fahöna horö si no mafalua, he ba wehedema, era’era dödöma awö gamuatama si lö faudu ba daroma Li-Mö. Andrö möiga khö-U ba wangandrö fa’ahakhö dödö-U, ena’ö ö’efa’ö khöma horöma andrö, irege sohahaou tödö ndra’aga wanohugö fekolima ba zi so fönama ba wamalua somasi Ndra’ugö." Tebe’e ginötö mangandrö ba dödö zamösana föna Lowalangi. Hakhösi dödö-U khöma Ama, ba be’e aefa khöma horöma andrö ma’afefu, Yaduhu! "NA UBINI'Õ HORÕGU KHÕ YESU" Jemaat : Manunõ moroi ba Mbuku Zinunõ No. 224 : 1 Liturgos : Ba no erege dödö-Gu öbe’e ba horöu andrö; no öfakaodo olalöwamö. Ya’o, Ya’odo andre zamunu lalöu andrö. Ba lö sa’ae itörö tödö-Gu horöu. Lakhõmi khõ Lowalangi si yawa! Jemaat : Manunõ moroi ba Mbuku Zinunõ No. 450 Liturgos : Dumadao Zato! FOMBASO TAROMA LI LOWALANGI (AMABU'ULA LI SIBOHOU) Liturgos : Da tafondrondrongo daroma Li Lowalangi, tehalõ moroi ba zura Mataio 21 : 1-11 1 Ba me no ahatõ ira ba Yeruzalema, me larugi Mbetifage, ba gahe hili wanikha, ba ifatenge nifahaõnia Yesu, darua, 2 imane khõra: Mi’ae ba mbanua side’ide andrõ, fõnami, ba i’anema’õ falukha ami galide si alawe ni’amõhõgõ ba so gõi nono; mitoto’õ wesu ba mi’ohe ia khõgu. 3 Ba na so zanguma’õ khõmi hadia ia, ba mimane: Moguna khõ Dua, ba i’anema’õ ifa’ohe’õ. 4 Andrõ si manõ, ena’õ itõrõ niwa’õ zama’ele’õ andrõ, me imane: ”Miwa’õ khõ nono Ziona alawe andrõ: 5 ”Hiza, i’ondrasi’õ razomõ, sebolo tõdõ, fakudo ia ba hulu galide, ba ba hulu nono zonoro”. 6 Ba mõi nifahaõ andrõ, la’o’õ niwa’õ Yesu, khõra, la’ohe galide andrõ, 7 awõ nono, ba labologõ nukha ba hulu ba fakudo ia yawa. 8 Ba ato niha samologõ ba lala nukhara; ba so zolewa tuturu geu ba lafazawili ba lala. 9 Ba mu’ao niha sato, si so fõna, awõ zolo’õ moroi furi, lamane: ”Hozana khõ ma’uwu Dawido andrõ, ya’ahowu zi so andrõ, ba dõi Zo’aya; hozana ba zalawa yawa!” 10 Ba me irugi yomo ba Yeruzalema, ba humufa mbanua ma’afefu, lamane: Ha niha da’õ? 11 Ba lamane niha sato: Da’õ zama’eleõ andrõ, Yesu, banua Nazareta, ba Galilaia. Ya’ahowu zamondrongo taroma Li Lowalangi ba same’e ba dõdõ (Luka 11:28) Jemaat : Yaduhu! FANGOWULOI FASÕMBATA Liturgos : Iada’e tebe’e khõda ginõtõ ba wolohe fasõmbatada khõ Lowalangi. Ta’osamuzaigõ wame’e, he fasõmbata si fõfõna, ba si manõ gõi zi mendrua awõ zi medõlu. Ba si ofõna ua da tafondrondrongo Li Lowalangi me imane: "Ba da’õ niwa’õgu: Na so zangatalisi tanõmõ, ba lõ oya’oya ibasi, ba na so zi lõ alimagõ tanõmõ, ba oya gõi ibasi dania. Ba balazi dõdõ zamõsana; bõi abu dõdõ, ba tenga niforege; si no aoha gõlõ fame’e, da’õ sa zomasi Lowalangi." (II Korindro 9:6-7) Tafa’ema fõna wasõmbata khõ Lowalangi, ba manunõ ita moroi ba Mbuku Zinunõ No. 261 2. Ya’e zumange fasõmbata ma be’e soroi ba dõdõma. 3. Ya’e zumange fasõmbata buala si’otarai Nama. 4. Ya’e zumange fasõmbata, boto, noso, ba fa’aurima. 5. Ya’e zumange fasõmbata, lõ irugi zomasi dõdõ-U. 6. Ya’e zumange fasõmbata, ma’aohasi gõlõ Zo’aya. Liturgos : Da tafasao wasõmbatada andre fõna Lowalangi, musindro ita fefu. [Koordinator Pelayan mangandrõ. Na inõtõ wama'ema fasõmbata Ni'ofulu, aefa wangandrõ Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)] Liturgos : Mudadao Zato! KOOR/VOCAL GROUP Liturgos : Da tafa’anõ dõdõda wamondrongo taroma Li Lowalangi, manunõ ita moroi ba Mbuku Zinunõ No. 163 [Pengkhotbah Mõi ba Mimbar] HUHUO SEBUA Pengkhotbah : Ya irorogõ dõdõmi, awõ gera’erami fa’ohahau dõdõ andrõ, khõ Lowalangi, sabõlõ moroi ba gera’era niha fefu, ba khõ Keriso Yesu. Mangandrõ ita...[Fangadrõ Famokai Huhuo Sebua] Yaduhu! Fombaso Taroma Li Lowalangi moroi ba zura Filifi 2 : 5-11 5 Si mane tõdõ Yesu Keriso, ya si manõ gõi dõdõmi. 6 Ya’ia, he wa’ae no nga’eu Lowalangi nga’eunia, ba ba dõdõnia, ba tenga sa nirabu, wa no fagõlõgõlõ ia khõ Lowalangi; 7 iheta khõnia da’õ, ihalõ nga eu zawuyu, ba tobali fakhilikhili ia ba niha, ba amuatania, ba si mane amuata niha, wamaigi niha. 8 I’ide’ide’õ ia, molo’õ ia, irugi wa’amate, fa’amate ba rõfa. 9 Andrõ gõi no ibali’õ salawa sebua ia Lowalangi, ba no ibe’e bualania khõnia dõi andrõ, sebua moroi ba dõi bõ’õ fefu. 10 Ena’õ ba dõi Yesu andrõ latuhi danõ dozi si so ba zorugo, awõ zi so ba guli danõ, awõ zi so barõ danõ; 11 ba ena’õ dozi bewe manehe, wa no So’aya Yesu Keriso, ba wamolakhõmi Lowalangi Ama. Famotokhi Taromali Lowalangi Sinanõ ba dõdõ tehalõ moroi ba zura Luka 7 : 50b Famatimö zangorifi ya'ugö: fuli'ö, ya'ohahau dödöu. Fangandrõ Fondruhõ Wamotokhi Taromali Jemaat : Manunõ moroi ba Mbuku Zinunõ No. 154 TUHO WAMATI Liturgos : Me no tarongo daroma Li Lowalangi, ba da tafaogõ lida wamaduhu’õ famatida ya’ita niha Keriso fõna Lowalangi, muzizio ita fefu... endronga lida: Ya’o mamati khõ Lowalangi Ama si lõ ambõ fa’abõlõ, sombõi banua si yaẅa awõ danõ. Ya’o mamati khõ Yesu Keriso, So’aya ya’ita, Ono Lowalangi si ha samõsa, nitema nina-Nia Maria khõ Geheha Ni’amoni’õ, ono nono alawe Ia, no manaõgõ huku Ia, barõ mbawa Fondrio Filato, teforõfa Ia, mate, ba lako’o. No mõi Ia ba mbanua niha tou, no maoso Ia moroi ba ngai zimate me no irugi tõlu ngaluo. No manahae Ia, mõi ba zorugo, dumadao ba gambõlõ Lowalangi Ama si lõ ambõ fa’abõlõ. I’otarai da’õ mangawuli Ia dania ba wanguhuku niha sauri, awõ zi no mate. Ya’o mamati khõ Geheha Ni’amoni’õ, ba ufati ha sambua mbanua ni’amoni’õ, fefu niha Keriso, fa’awõsa niha ni’amoni’õ, ba fangefa horõ, ba femaoso mboto zimate, ba fa’auri si lõ aetu. Yaduhu! Liturgos : Mudadao Zato. WARTA JEMAAT (Klik untuk membuka) Liturgos : Manunõ ita moroi ba Mbuku Zinunõ No. 283 Ya’e ndra’odo, Yesu Keriso, lö fa’abölö khögu na ha ya’o. He Sangorifi, nönö wamati, fangabölögu, wogamö fa’auri. Hiza Zo’aya, no teforöfa, fangöhölida, ba huku horöda. Afu molala tola takhamö, naha zatulö, si no oi Ihaogö FANGANDRÕ SALAHI + FAMATENGE + HOWUHOWU Pengkhotbah : Ba wamalua fasumangete andre, no tarongo ngarö dödö ndra talifusöda si so ba Nigeria, tenga ha khöra alua zi manö, alua göi ba soi bö’ö ba zi sagörö ulidanö andre. No göi tafasao wangandröda khö Lowalangi sifao ndra talifusö ba zisagörö ulidanö. Ia da’e tefatenge ita ba wango’aurifagö fangandröda si no tafa’ema khö Nama ba zorugo. Ya tobali ita tenge tenge Yesu Keriso ba wolohe fa’ohahaou dödö. Hezo tekaoni ba tefatenge ita? Jemaat : Ba gulidanö andre si no afönu fa’afökhö ba famakao. Pengkhotbah : Haniha zanolo ya’ita? Jemaat : Yesu Keriso sino manaögö famakao ba sogaoni ya’ita. Ba khönia tasöndra wolombase dödö si lö tebulö Pengkhotbah : Hadia nifaluada na ta’ila ndra talifusöda si so noro ba abula dödö? Jemaat : Faoma ta’onorogö tödö noro dödö nawöda, ya’ia na tobali howuhowu ita. Pengkhotbah : Na taröi nahia andre, da tatörö tödöda wogaoni Yesu Keriso ba wangonorogö tödö noro nawöda sifalukha ba lala wa’auri. Solohe idanö ita ba zowökhi tödö, solohe fondrara dödö ba zi no göna abula dödö, solohe fanötöna sibohou ba zaetu fanötöna. Me no sisambua boto ba ndrotondroto Keriso ita, da ta’o’aurifagö wogaoni Yesu me imane: “mi’aine khögu dozi serege tödö awö zonoro ba ufolombaseami”. No bu’u li da’e soroi Lowalangi, irege lö aombö dödöda ba lö awuwu ita, me ba khö Yesu Keriso tasöndra wolombase dödö. Jemaat : Yatobali ita tanga Lowalangi ba wolohe fongorifi, fa’ohahau dödö ba folombase dödö si lö mamalö ba nawö, ba ba niwöwöi fefu. Pengkhotbah : Yafaoma itolo ita Lowalangi ba wa’ebua dödö-Nia andrö. Musindro ita fefu! Mangandrõ ita: .... (tetohugõ) "Ba dõi Zo’aya ya’aga Yesu Keriso, si no mamahaõ ya’aga ba wangandrõ mamane:" Pengkhotbah + Jemaat : He Ama khõma si so ba zorugo, ya te’amoni’õ dõi-U. Ya tobali banua-U fefu niha, ya itõrõ zomasi Ndra’ugõ, hulõ ba zorugo, ya si manõ gõi ba gulidanõ. Õma sirugi ma’õkhõ be’e khõma ma’õkhõ andre. Ba efa’õ khõma horõma, si mane fangefa’õma sala ba zi so sala khõma. Bõi ohe ndra’aga ba wanandraigõ, efa’õga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awõ lakhõmi, irugi zi lõ aetu. Yaduhu. Pengkhotbah : Mi’angawuli sifao fa’ohahau dõdõ, yatobali ami sura Keriso, samaduhu’õ Ya’ia ba lala wa’aurimi sero ma’õkhõ, ba mitema howuhowu Lowalangi: Ya mufahowu’õ ami Lowalangi, Ya murorogõ ami; Ya mufohaga mbawa-Nia khõmi, Ya mu’ebua’õ dõdõ-Nia khõmi; Ya mufalemba hõrõ-Nia khõmi, Ya mubè’e wa’ohahau dõdõ khõmi fefu. Yaduhu! Jemaat : Manunõ moroi ba Mbuku Zinunõ No. 283 : 6-7 Na no tarugi zi lö tebulö, lö fa’afökhö, lö fa’abu dödö. No oi numalö wangaröngarö, ohahau dödö, me sökhi khamötö. Pengkhotbah : Ya'ahowu!!! Jemaat : Ya'ahowu!!! *** IBADAH SELESAI ***

29 Maret 2026 [Tedõni dorosi, mõi ndra sohalõwõ bakha ba gosali, ba lahalõ wangahono dõdõ banua niha Keriso ba wangondrasi ba ba wasumangeta khõ Lowalangi] FANGOWAI BA FOGAONI FANGOWAI Liturgos : Ya’ami banua Zo’aya ni’omasi’ö ba döi Yesu Keriso, no tarugi migu nifotöi migu föna wamakao Yesu. Töi migu ma’ökhö andre, ya’ia da’ö : Palmarum. Ma’owai ami, ba döi Zo’aya ya’ita Yesu Keriso, Ya’ahowu! Jemaat : Ya'ahowu! Liturgos : Ya faofao khömi Lowalangi! Jemaat : Ya fao khõu Geheha-Nia! FOGAONI Liturgos : Da ta honogö dödöda wangondrasi Yehowa, da ta’erönusi tödöda wamakao si no itaögö So’aya ya’ita Yesu Keriso, manunõ ita moroi ba Mbuku Zinunõ No. 14 He So’aya, sebua tödö Ndra’ugö khöma, ma’andrö saohagölö ia khö-U. Masuno Ndra’ugö, masuno Ndra’ugö. Ha Ya’ugö, zangomasi’ö, ya’aga fefu, ba sangatulö niha khö Nama. Sangatulö niha, sangatulö niha. He tödögu, böi olifu’ö, zi sökhi fefu, si no Ibe’e Yesu So’aya. Fa’omasi-Nia, fa’omasi-Nia. Lö tesöndra, ba gulidanö, si mane Yesu, solohe fefu niha khö Nama Ba lakhömi-Nia, ba zorugo yawa. FANGA’ARO’Õ WA’OWULO (VOTUM) Liturgos : Da tahonogõ dõdõda ba wariawõsa, ba ba wa ha sambua khõ Lowalangi, muzizio zato. No owulo ita ba da’e, ba dõi Lowalangi Ama, ba ba dõi Nono-Nia Yesu Keriso, ba ba dõi Geheha Ni’amoni’õ. Fangorifida ha ba dõi Yehowa si no mombõi banua si yaẅa awõ danõ! Jemaat : Yaduhu! Liturgos : Faigi khõgu zatulõ, Ya’ugõ Lowalangi, ohe ba lala huhuogu ba niha andrõ, si lõ fa’omasi; efa’õ ndra’o ba niha sebua faya, solau si lõ atulõ! Fa ukhamõ naha wame’e sumange khõ Lowalangi ba Lowalangi fa’omuso dõdõgu andrõ. Fa’ohe’õ haga-Mõ ba si duhu andrõ khõ-U! Da’õ zamasao ya’odo, solohe ya’o ba hili ni’amoni’õ andrõ khõ-U, ba ba naha-Mõ andrõ. (Sinunö 43:1,4a,3) HALELUYA! Liturgos : Mangandrõ ita, "He Yehowa Lowalangi, Ama sahakhö tödö ba sebua fa’omasi, si no umbu howuhowu ba fa’auri. Itörö tödöma wamakao Zo’aya ya’aga Yesu Keriso, No Ölulu nono-U omasiö ba danga zokhö horö: te’o’aya, tefakao, teforöfa ba mate börö horöma. Fahaö ndra’aga, fa’aboto ba dödöma ngawalö horö si no mafalua. Abölö’ö ndra’aga wolawa fa’abölö nösi, ena’ö mo’ahonoa ndra’aga ba wamalua somasi Nama, ba khö Zo’aya ya’aga Yesu Keriso ba ba Geheha Ni’amoni’ö, Yaduhu!" Mudadao Zato Liturgos : Manunõ ita moroi ba Mbuku Zinunõ No. 216 U’andrö khö-U, So’aya, bohouni dödögu. Do-Mö si no aduwa, fanasa horögu. Fa lö sa’ae u’o’ö, zomasi dödögu. Simöi börö wangala, götö wekoligu. He Yesu, böi famalö, sekhegö dödögu. Be’e khögu Geheha, haga ba lalagu. Aro’ö wamatigu, ba waböbösa khö-U. Fa lö sa’ae faröido, wolo’ö niwa’ö-U. FOMBASO TAROMALI LOWALANGI (AMABU'ULA LI SIFÕFÕNA) Liturgos : Da tafondrondrongo daroma Li Lowalangi, tehalõ moroi ba zura Sinunö 31 : 9-16 9 Lõ nilulumõ ya’o ba wa’abõlõ zi fatiu tõdõ khõgu, no õfonaha gahegu ba zebolo tanõ. 10 Hakhõsi tõdõ ndra’o, ya’ugõ Yehowa, sata’u tõdõ sa ndra’odo! Aokõ hõrõgu ba wa’abu dõdõ andrõ, ariri nosogu ba õsigu. 11 Sagõtõ ya’o sa’ae, ba fa’alangu dõdõ, ha me uga fakhe ndra’o, ba fangarõngarõ manõ. Taya wa’abõlõgu, bõrõ horõgu, ba no alõ dõlaga, bõrõ zamakao ya’o andrõ fefu. 12 No tobali ni’o’aya sibai ndra’odo ba nawõgu ba fameta’u ba zi fa’ila li khõgu; si falukha khõgu baewali, ba moloi. 13 No olifu niha bõ’õ ndra’odo, no taya ndra’o ba dõdõra; no tobali hulõ mbowoa saboto ndra’odo. 14 Noa sa urongo wanandrawaisi zato: ”Ameta’uõ, fasui!” Mamagõlõ ira ba khõgu andre, wangalui famunu ya’odo. 15 Ba ya’odo, ba sanõtõna khõu, ya’ugõ Yehowa; no umane: ”Lowalangigu ndra’ugõ!” 16 Ba dangau so lalagu andrõ. Efa’õ ndra’o ba danga zi fa’udu khõgu ba ba zolohi ya’odo! Si manõ daroma Li Lowalangi, da tatema’õ faoma sinunõ moroi ba Mbuku Zinunõ Numero 86:4 TASUNOSUNO ZO'AYA FANGANDRÕ FANGEFA HORÕ Liturgos : Ya’ami ira talifusõ, Na taŵa’õ lõ horõda, ba talimo ita, ba si duhu lõ’õ ba dõdõda. Na ta’ombakha’õ horõda, ba lõ farõi Ia, ba no satulõ Ia, fa I’efa’õ khõda horõ andrõ, Ihaogõ ita, awõ wa Iheta fefu zi lõ atulõ. Andrõ da mõi ita fõna Lowalangi si fao fangidengide’õ ba wangombakha horõda, muzizio zato. Mangandrõ ita, "He Ama, Lowalangima sebua fa’omasi. Masuno ba ma’angaröfili Ndra’ugö Yehowa. Möiga ma’ondrasi Ndra’ugö ba nahia ni’amoni’ö, ya’aga niha si no ra’iö. Mafaduhu’ö wa tenga si nangea ndra’aga tanö föna-Mö, me no fahöna horö si no mafalua, he ba wehedema, era’era dödöma, awö gamuatama si lö faudu ba daroma Li-Mö. No ambö ndra’aga ba wangomasi’ö Ya’ugö soroi dödö. Asese olifu ndra’aga wangandrö saohagölö ba howuhowu-Mö si no matema, ba no arörö ndra’aga ba gisö’isö dödö ba guli danö andre. Si tekiko ndra’aga ba horöma. Andrö ha fa’ahakhö dödö Nama ni’andröma. Bologö dõdõ-U khöma ba be’e aefa khöma horöma, Yaduhu!" Jemaat : Manunõ moroi ba Mbuku Zinunõ No. 224 : 1 Liturgos : Ba no erege dõdõ-Gu õbe’e ba horõu andrõ; no õfakao-Do olalõwamõ. Ya’o, Ya’odo andre zamunu lalõu andrõ. Bõrõ Ndra’o, ba lõ’õ sa’ae itõrõ tõdõ-Gu horõu! Lakhõmi khõ Lowalangi si yawa! Jemaat : Manunõ moroi ba Mbuku Zinunõ No. 450 Liturgos : Dumadao Zato! FOMBASO TAROMA LI LOWALANGI (AMABU'ULA LI SIBOHOU) Liturgos : Da tafondrondrongo daroma Li Lowalangi, tehalõ moroi ba zura Mataio 21 : 1-11 1 Ba me no ahatõ ira ba Yeruzalema, me larugi Mbetifage, ba gahe hili wanikha, ba ifatenge nifahaõnia Yesu, darua, 2 imane khõra: Mi’ae ba mbanua side’ide andrõ, fõnami, ba i’anema’õ falukha ami galide si alawe ni’amõhõgõ ba so gõi nono; mitoto’õ wesu ba mi’ohe ia khõgu. 3 Ba na so zanguma’õ khõmi hadia ia, ba mimane: Moguna khõ Dua, ba i’anema’õ ifa’ohe’õ. 4 Andrõ si manõ, ena’õ itõrõ niwa’õ zama’ele’õ andrõ, me imane: ”Miwa’õ khõ nono Ziona alawe andrõ: 5 ”Hiza, i’ondrasi’õ razomõ, sebolo tõdõ, fakudo ia ba hulu galide, ba ba hulu nono zonoro”. 6 Ba mõi nifahaõ andrõ, la’o’õ niwa’õ Yesu, khõra, la’ohe galide andrõ, 7 awõ nono, ba labologõ nukha ba hulu ba fakudo ia yawa. 8 Ba ato niha samologõ ba lala nukhara; ba so zolewa tuturu geu ba lafazawili ba lala. 9 Ba mu’ao niha sato, si so fõna, awõ zolo’õ moroi furi, lamane: ”Hozana khõ ma’uwu Dawido andrõ, ya’ahowu zi so andrõ, ba dõi Zo’aya; hozana ba zalawa yawa!” 10 Ba me irugi yomo ba Yeruzalema, ba humufa mbanua ma’afefu, lamane: Ha niha da’õ? 11 Ba lamane niha sato: Da’õ zama’eleõ andrõ, Yesu, banua Nazareta, ba Galilaia. Ya’ahowu zamondrongo taroma Li Lowalangi ba same’e ba dõdõ (Luka 11:28) Jemaat : Yaduhu! FANGOWULOI FASÕMBATA Liturgos : Iada’e tebe’e khõda ginõtõ ba wolohe fasõmbatada khõ Lowalangi. Ta’osamuzaigõ wame’e, he fasõmbata si fõfõna, ba si manõ gõi zi mendrua awõ zi medõlu. Ba si ofõna ua da tafondrondrongo Li Lowalangi me imane: "Ba da’õ niwa’õgu: Na so zangatalisi tanõmõ, ba lõ oya’oya ibasi, ba na so zi lõ alimagõ tanõmõ, ba oya gõi ibasi dania. Ba balazi dõdõ zamõsana; bõi abu dõdõ, ba tenga niforege; si no aoha gõlõ fame’e, da’õ sa zomasi Lowalangi." (II Korindro 9:6-7) Tafa’ema fõna wasõmbata khõ Lowalangi, ba manunõ ita moroi ba Mbuku Zinunõ No. 261 2. Ya’e zumange fasõmbata ma be’e soroi ba dõdõma. 3. Ya’e zumange fasõmbata buala si’otarai Nama. 4. Ya’e zumange fasõmbata, boto, noso, ba fa’aurima. 5. Ya’e zumange fasõmbata, lõ irugi zomasi dõdõ-U. 6. Ya’e zumange fasõmbata, ma’aohasi gõlõ Zo’aya. Liturgos : Da tafasao wasõmbatada andre fõna Lowalangi, musindro ita fefu. [Koordinator Pelayan mangandrõ. Na inõtõ wama'ema fasõmbata Ni'ofulu, aefa wangandrõ Koordinator Pelayan, ba ifa'ema Daroma Li Lowalangi Sangai Huhuo Sebua (Pendeta)] Liturgos : Mudadao Zato! KOOR/VOCAL GROUP Liturgos : Da tafa’anõ dõdõda wamondrongo taroma Li Lowalangi, manunõ ita moroi ba Mbuku Zinunõ No. 163 [Pengkhotbah Mõi ba Mimbar] HUHUO SEBUA Pengkhotbah : Ya irorogõ dõdõmi, awõ gera’erami fa’ohahau dõdõ andrõ, khõ Lowalangi, sabõlõ moroi ba gera’era niha fefu, ba khõ Keriso Yesu. Mangandrõ ita...[Fangadrõ Famokai Huhuo Sebua] Amin. Fombaso Taroma Li Lowalangi moroi ba zura Filifi 2 : 5-11 5 Si mane tõdõ Yesu Keriso, ya si manõ gõi dõdõmi. 6 Ya’ia, he wa’ae no nga’eu Lowalangi nga’eunia, ba ba dõdõnia, ba tenga sa nirabu, wa no fagõlõgõlõ ia khõ Lowalangi; 7 iheta khõnia da’õ, ihalõ nga eu zawuyu, ba tobali fakhilikhili ia ba niha, ba amuatania, ba si mane amuata niha, wamaigi niha. 8 I’ide’ide’õ ia, molo’õ ia, irugi wa’amate, fa’amate ba rõfa. 9 Andrõ gõi no ibali’õ salawa sebua ia Lowalangi, ba no ibe’e bualania khõnia dõi andrõ, sebua moroi ba dõi bõ’õ fefu. 10 Ena’õ ba dõi Yesu andrõ latuhi danõ dozi si so ba zorugo, awõ zi so ba guli danõ, awõ zi so barõ danõ; 11 ba ena’õ dozi bewe manehe, wa no So’aya Yesu Keriso, ba wamolakhõmi Lowalangi Ama. Famotokhi Taromali Lowalangi Sinanõ ba dõdõ tehalõ moroi ba zura Filifi 2 : 11 Ba ena’õ dozi bewe manehe, wa no So’aya Yesu Keriso, ba wamolakhõmi Lowalangi Ama. Fangandrõ Fondruhõ Wamotokhi Taromali Jemaat : Manunõ moroi ba Mbuku Zinunõ No. 154 TUHO WAMATI Liturgos : Me no tarongo daroma Li Lowalangi, ba da tafaogõ lida wamaduhu’õ famatida ya’ita niha Keriso fõna Lowalangi, muzizio ita fefu... endronga lida: Ya’o mamati khõ Lowalangi Ama si lõ ambõ fa’abõlõ, sombõi banua si yaẅa awõ danõ. Ya’o mamati khõ Yesu Keriso, So’aya ya’ita, Ono Lowalangi si ha samõsa, nitema nina-Nia Maria khõ Geheha Ni’amoni’õ, ono nono alawe Ia, no manaõgõ huku Ia, barõ mbawa Fondrio Filato, teforõfa Ia, mate, ba lako’o. No mõi Ia ba mbanua niha tou, no maoso Ia moroi ba ngai zimate me no irugi tõlu ngaluo. No manahae Ia, mõi ba zorugo, dumadao ba gambõlõ Lowalangi Ama si lõ ambõ fa’abõlõ. I’otarai da’õ mangawuli Ia dania ba wanguhuku niha sauri, awõ zi no mate. Ya’o mamati khõ Geheha Ni’amoni’õ, ba ufati ha sambua mbanua ni’amoni’õ, fefu niha Keriso, fa’awõsa niha ni’amoni’õ, ba fangefa horõ, ba femaoso mboto zimate, ba fa’auri si lõ aetu. Yaduhu! Liturgos : Mudadao Zato. WARTA JEMAAT (Klik untuk membuka) Liturgos : Manunõ ita moroi ba Mbuku Zinunõ No. 283 Ya’e ndra’odo, Yesu Keriso, lö fa’abölö khögu na ha ya’o. He Sangorifi, nönö wamati, fangabölögu, wogamö fa’auri. Hiza Zo’aya, no teforöfa, fangöhölida, ba huku horöda. Afu molala tola takhamö, naha zatulö, si no oi Ihaogö FANGANDRÕ SALAHI + FAMATENGE + HOWUHOWU Pengkhotbah : Sumindro ita fefu, mangandrõ ita: (tetohugõ) "Ba dõi Zo’aya ya’aga Yesu Keriso, si no mamahaõ ya’aga ba wangandrõ mamane:" Pengkhotbah + Jemaat : He Ama khõma si so ba zorugo, ya te’amoni’õ dõi-U. Ya tobali banua-U fefu niha, ya itõrõ zomasi Ndra’ugõ, hulõ ba zorugo, ya si manõ gõi ba gulidanõ. Õma sirugi ma’õkhõ be’e khõma ma’õkhõ andre. Ba efa’õ khõma horõma, si mane fangefa’õma sala ba zi so sala khõma. Bõi ohe ndra’aga ba wanandraigõ, efa’õga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awõ lakhõmi, irugi zi lõ aetu. Yaduhu. Pengkhotbah : Mi’angawuli sifao fa’ohahau dõdõ, yatobali ami sura Keriso, samaduhu’õ Ya’ia ba lala wa’aurimi sero ma’õkhõ, ba mitema howuhowu Lowalangi: Ya mufahowu’õ ami Lowalangi, Ya murorogõ ami; Ya mufohaga mbawa-Nia khõmi, Ya mu’ebua’õ dõdõ-Nia khõmi; Ya mufalemba hõrõ-Nia khõmi, Ya mubè’e wa’ohahau dõdõ khõmi fefu. Yaduhu! Jemaat : Manunõ moroi ba Mbuku Zinunõ No. 283 : 6-7 Na no tarugi zi lö tebulö, lö fa’afökhö, lö fa’abu dödö. No oi numalö wangaröngarö, ohahau dödö, me sökhi khamötö. Pengkhotbah : Ya'ahowu!!! Jemaat : Ya'ahowu!!! *** IBADAH SELESAI ***