PELETAKAN BATU PERTAMA
GEREJA BNKP PADANG
Sondrönia'ö : Manunö ita moroi ba Buku Zinunö No. 3 : 1-2
-
Sumange la’ohe khö-U, mala’ika awö niha.
Dozi ira manunö, lasunosuno Yehowa.
Lira lö mo’aetufa, götögötö wa’ara.
Sondrönia'ö : Ba döi Zo’aya ya’ita Yesu Keriso, u’owai ami fefu: Ya’ahowu!
Sato : Ya’ahowu!
Sondrönia'ö : Yafaofao khömi Lowalangi
Sato : Yafao khöu Geheha-Nia
Sondrönia'ö : Fangorifida ha ba döi Lowalangi, somböi banua si yaẅa awö danö...
Sato : Yaduhu!
Sondrönia'ö : Na tenga Yehowa zangotomosi omo, ba zayazaya gölö halöẅö zotomo andrö. Na tenga Yehowa zanaro banua ba zayazaya gölö wa lö mörö zanaro andrö. HALELUYA!
Liturgos : Mangandrö ita, "He Yehowa Lowalangi, ni’amoni’ö, somböi banua si yaẅa awö danö. No owulo ndra’aga banua-U ba nahia andre, me no hasara dödö ba wamörögö Tomosa Gosali Jemaat BNKP Padang Resot 44 BNKP si tobali omo wangandrö ba fasumangeta khö Lowalangima. Aboto ba dödöma So’aya, na tenga Ya’ugö zamobörö, sangehao ba sango’ozui tomosa andre, ba zayazaya gölö fefu zi no mafakhoi ya’aga banua-U niha Keriso, nidönia’ö ndrotondro panitia. Andrö ma’andrö wa’ahakhö dödö Nama ba Zorugo, ena’ö Ya’ugö zamahowu’ö banua-U ba wamörögö fanou’ö sia’a gara andre. Fahowu’ö ndrotondroto panitia awö ndrotondroto zohalöẅö, irege tola te’asiwai domosa andre, si faudu ba zomasi Lowalangi, Yaduhu!"
Liturgos : Manunö ita moroi ba Buku Zinunö No. 206 : 1-2
- Lö u’ila ufobörö, wangorifi nosogu.
Me lö khögu fa’atulö, sandrohu fa’aurigu.
Sondrönia'ö : Da tafodanedane wanou’ö sia’a gara andre faoma taroma Li Lowalangi moroi ba zura Zinunö 127 : 1-2 + Kolose 3 : 17
1 Na tenga Yehowa zangotomosi omo, ba zayazaya gõlõ halõwõ zotomo andrõ. Na tenga Yehowa zanaro banua ba zayazaya gõlõ wa lõ mõrõ zanaro andrõ.
2 Zayazaya gõlõ wa ahulõ maoso ami, awõ wa alawa mbongi mõi mõrõ, wemanga õlõmi, serege dõdõmi, si manõ gõi wame’enia ba zomasi ia, barõ wemõrõ.
17 Ba fefu hadia ia nilaumi, he taroma li, ba he halõwõ, ba ba dõi Yesu, So’aya, milau ia, fefu, wangandrõ saohagõlõ khõ Lowalangi Ama; Yesu zama’ema.
Fanou’ö Sia'a Gara
Ibörögö Sangai Halöẅö (BPHMS, ma Praeses, ma Pendeta Jemaat), ba imane, “Da tabörögö wamasindro tomosa Gosali Jemaat BNKP Padang Resort 44 BNKP. Tatou’ö zia’a gara, tafalua ba döi Lowalangi Ama, ba döi Zo’aya ya’ita Yesu Keriso, ba ba döi Geheha Ni’amoni’ö. Yaduhu! (Itete sosalahini BPMR, Majelis, BPMJ, Panitia, sosalahini banua niha Keriso awö kaoniwa/undangan)
Sondrönia'ö : Ya'okafukafu, ya'odöẅadöẅa, ba ya'ohahau dödö wanohugö tomosa andre, ya lö mamalö watolosa ba howuhowu soroi Lowalangi. Yaduhu!
Sondrönia'ö : Mangandrö ita: (tetohugö) "Ba döi Zo’aya ya’aga Yesu Keriso, si no mamahaö ya’aga ba wangandrö mamane:"
He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lö sökhi. Me ya’ugö zamatörö banua-U, ba sokhö fa’abölö, awö lakhömi, irugi zi lö aetu. Yaduhu!
Sondrönia'ö : Mifuli ami, mifalua halöẅö domosa andre sodanedane ba wamati ba fa’awösa Zo’aya ya’ita Yesu Keriso, ba mitema howuhowu:
- Ya mufahowu’ö ami Lowalangi, Ya murorogö ami;
- Ya mufohaga mbawa-Nia khömi, Ya mu’ebua’ö dödö-Nia khömi;
- Ya mufalemba hörö-Nia khömi, Ya mubč’e wa’ohahau dödö khömi fefu. Yaduhu!
Sato : Manunö moroi ba Buku Zinunö No. 284 : 1
Sondrönia'ö : Ya'ahowu!!!
Sato : Ya'ahowu!!!
